معرض الكتاب

اليوم كانت زيارتي لمعرض عمان للكتاب ، المعرض جيد-نوعا ما – بعيداً انقطاع الكهرباء  واضف انعدام التكييف -كما شعرت- ، تتكلم الاخبار عن حضور ما يزيد عن 350 دار نشر ،حقيقة قرأت الخبر اكثر من مرة لأتأكد من الرقم لكنه فعلا 350 ، وانت خارج من المعرض يدفعك عقلك الباطن لترديد جملة عادل امام الشهيرة “مش همة الحكومة ؟ همة بيعرفو كل حاجة” نعم لانه من المؤكد انك انت من تعاني من مشكلة خطيرة في العد وليس هم ، اكثر ما اعجبني هو ذكاء الوكلاء فعندما تسأل عن مجلدات اعمال كافكا الكاملة يشير عليك العامل في المكتبة الاهلية انهم لم يحضروها وعليك مراجعة المكتبة في وسط البلد -طبعا ليس للتخفيض علاقة بالامر- !

وهنا علي الاشارة الى ان الاسعار كانت جيدة بشكل صدمني لدى بعض دور النشر

اشتريت من دار الساقي هرطقات ومن النهضة الى الردة لجورج  طرابيشي ، ومن الاداب مقالات فارس فارس لغسان كنفاني، ومن الاهلية اعمال النفري الصوفية (اصدارمنشورات الجمل)

حاولت الحصول على رواية سلمان”ايات شيطانية” اشرت الى روايته العار وسألت العامل في المكتبة الاهلية عن وجود رواية اخرى لديه لنفس الكاتب-وهو ما كان موجوداً- “ففهمها عالطاير” وقال لي انه لا توجد

– طب موجودة بوسط البلد برضو؟

-ولا بوسط البلد ، ع الكمبيوتر… بس ع الكمبيوتر

هنا انتبهت الى رجل كان يقف بجانبي وعلى ما يبدو انه ايضاً فهمها على الطاير -ترتيب لحيته يبدو من الاخوان المسلمين -وعلى ذلك انكر طلبي لهذه الرواية وكان على وشك ان يلقي علي كلمة عن عدم حاجتي لهكذا امور والبحث وراءها

اترككم مع الصور (طبعا نقرة للتكبير)

مبادرة كتابي كتابك  اثناء دخولك المعرض

هنا المكتبة الاهلية (وكلاء لعدد من دور النشر)

الاهلية ايضاً

دار الساقي : بالمناسبة تكلمت مع العامل فيه وطلب ارسال الصور الى ايميله ، لذيذ الرجل

دار الفارابي (مع صديقي عبد يتصفح)

دار الاداب

اذا حدا ناوي يروح يحكيلي لانو عبالي ارجع كمان مرة اجيب كتاب الطواسين ومغمارة العقل الاولى

هذا المنشور نشر في شي صار وكلماته الدلالية , , . حفظ الرابط الثابت.

12 Responses to معرض الكتاب

  1. حلوة صور المعارض : )
    كتاب فارس فارس نفس الغلاف الاسود ؟

    وكيف اسعار الكتب ؟

  2. Osama كتب:

    يحلي ايامك
    اه نفس الغلاف ، كان جاي عبالي احكيلهم بس حكيت خليها للسنة الجاي

    الاسعار منيحة والله
    يعني ارخص ما توقعت بشكل

  3. يعني مثلاً فارس فارس وهرطقات كيف سعرهم ؟
    مريت على هيئة ابوظبي او كلمة ؟

    • Osama كتب:

      فارس فارس ب 5
      وكتب جورج طرابيشي كل واحد ب4
      وصوفيات النفري ب7

      اللي عجبني انو لاحظت التزامهم بالتخفيض 25%

      يعني صاحبي اشترى الجريمة والعقاب ب13 واحنا قبل بكم يوم مسعرينها بمكتبة ب17

      • الجريدة والعقاب من اي دار نشر ؟

        رح اقلك على موقف صار بدار الاداب هديك السنة. كان بدي اشتري رواية المثقفون ( الجزئين ) رحت على كلمة بما انها مشتركة مع دار الاداب فيها فقلي اللي ببيع هناك خلصت من عنا بتلاقيها بدار الاداب بس هي حقها 10 دنانير وانا رحت على دار الاداب طلبت البياعة 20 دينار. رجعت قلتله صار يقلي روحي قوليلها الروايتين ب 10 دنانير قلي مسؤول كلمة لانه هما اللي حددوا السعر وازا بتبيعيها بأكتر بشوف شغله معك . انا استحيت طبعاً وما رجعت .

        الاغلب اللي بصير هون انو استغلال للخليج : ) وهاي عادة قبيحة لانو تلت ترباع زوار المعارض وافدين وطلبة مدارس.

        دار كلمة ببيعوا كتبهم ببلاش تقريباً. في الهم كتب غالية بس بتستاهل ، غلافها انيق وقوي وصفحات مرتبة وملونة .
        شفتهم هما او هيئة ابوظبي ؟ ما رديت علي قبل.

  4. Osama كتب:

    متأسف صراحة نسيت :$
    كلمة وهئية ابو ظبي مش موجودين ، كنت ناوي اشتري من كلمة اعمال كافكا

    الجريمة والعقاب من المركز الثقافي ، اللي ما كانو موجودين وكان جايب اصداراتهم المكتبة الاهلية :s

    ما بعرف صراحة ، بس كل الكتب اللي سألت عنها كانت رخيصة وما في شي غير عادي ، بجوز هو مثل ما حكيتي استغلال

  5. لسا بقول اعمال كافكا بكلمة. يا ابني كلمة في دارين، دار من عنا ودار يا مصرية يا سورية. واعمال كافكا انا بعرف انها من دار الحصاد .

    اه صحيح المركز الثقافي طلع نُسخ جديدة لإلها . انا بدي النسخ القديمة : ) … بكم اخدها صاحبك ؟ انا جبت جزء من الاعمال من المكتبة كأنه ب 5 دنانير او 6 . مو اكتر يعني .

    نيالكم السنة الجاي بدي انزل على المعرض عندكم ازا الله راد .

  6. Osama كتب:

    103
    طب انتي ليش هيك بتعامليني ؟ بتزدريني 😦

    لول

    مهو عارف
    ولا كلمة منهم موجودة

    ولا الحصاد كمان

    والله عجبتني نسخة المركز الثقافي ، بحب الاغلفة تبعتهم ، حسب ما قرات انو المركز الثقافي اتفق مع ورثة سامي الدروبي مشان نشر الكتب ، فما اتخيل تلاقي النسخ القديمة الا بمكتبات معتة :p

    اللي اخدها الجريمة والعقاب-اتخيل بتعفي انها جزئين كبار- ب13 ، فعليا رخيص

    بتنورينا

  7. شو يعني 103 ؟ شو عملتلك انا يا حرامك : )
    الحصاد دايما مش موجودة. انا سألت عنها المعرض الماضي مع انه في بنت بعرفها جابت اعمال كافكا كلها انقهرت يوميتها لاني فكرت انهم من دار الحصاد نفسها .

    الطبعات القديمة من دار ابن رشد . الأغلب انهم موجودات بالمكتبة اللي بروح عليها دايماً. بس لسا ما خلصت المجلد الأول انا مع انه كله روايات قصيرة بس الوقت وما أدراك ما الوقت : D
    سعرهم منيح بنشوف بالمعرض كيف :]

  8. Osama كتب:

    103 هو سمايلي مسكين (لول)

    ههه

    شو قصتهم يعني ؟ مقاطعين ولا بخافو ع ارباحهم ؟

    قرأتلو المقامر لحد الان
    جميل ومشجع لاني اقرالو اكثر

    هو الوقت شرير، بعرف

  9. Mahmoud كتب:

    السؤال الأهم :

    متى حتعيرني اياهم ؟

  10. Osama كتب:

    اول باول سيدنا
    اول باول

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s