احاديث موسيقية، وشوي عن شاكيرا

ابو علي (وهو اسم العائلة وليس اسم حركي) تفاهمنا معه على اتقان يان تيرسيان للابداع فهو لوحده كفيل بانو يحل محل فرقة موسيقية كاملة ، في حين ذكرني بشخص مثل سانتانا ، حاولت اتذكر اسم الاغنية الاخيرة ، ما زبط !

سانتانا ما بتعامل مع الجيتار بطريقة عادية ، يعني مثل ما شفنا حدا بيحتضن العود ، كثير مرات بتخيل سنتانا بنام مع جيتارو عنفس المخدة .

طبعا الحديث طويل ، لكن كرجال ، وبعيدا عن الاسماء اللي الشعب استهلكها ولعن ابوها بكفو هدول

بالانتقال لشرقنا المبجل

زياد رحباني.

زياد ونقطة

، يعني انا بحب شربل روحانا وتوفيق فروخ ومارسيل-جدا- وجبران ونصير شمة ووو…

لكن زياد شو ما حكينا بضلو هالحالة الخاصة اللي مش قادرين نتجاوزها ،زايد معجب باخر مقطوعاتو ، تل الزعتر ، في حين لسا معلق انا عند ضيعانو ، بالطريق وانا مروح تذكرت وقمح !

مؤلم فعلا كيف ممكن تغيب هيك جماليات عن الذاكرة لوهلة

ظافر يوسف ما عجبني ، يا جماعة ما عجبني ، يعني بغض النظر شو ما كانت مكانتو ، ما حبيتو ، ما نزللي من زوري ولا حتى من ادني ، يعني بسمع لنداء ابو مراد وقارن بين شربنا على ذكر الحبيب عند نداء وعند ظافر ، مع التنويه الى انو “اية”  هي فعلا قطعة (شـgــفة) مميزة

وعلى سيرة نداء ابو مراد ما بننسى الالبوم مع الجميلة كارول سماحة -عاشقة الله- ، كارول حقا عندها خامة صوت لكن ما بتعرف ليش بيجي عبالها تتنورن احيانا

ولو بدنا نستطرد بالسماع الصوفي ، بالله مرو على فرقة ابن عربي ، وبالطريق ادواردو بانيوجوا .

على هالسيرة

اليوم وانا بقلب بهالقنوات -بصفتي شخص زهقان ووصل معي الزهق انو اقلب قنوات اغاني عربية- وصلت لقناة جايبة شاكيرا ، فعليا هالانثى عندها خامة صوت بنت فلاتة ، بس افهم ليش هي مفكرة انو صوتها الفضيع هاد ما بطلع الا لما تكشفلنا اكبر مساحة ممكن من جسدها ، انو يعني ما عندي مشكلة من انو حدا يلبس اي شي ، ولا عندي مشكلة انو انثى تكشف عن جسدها في سبيل كليب اغنية -ما دامت هي شايفة هالكليب مهم- بس انو يعني اشي ومنو ، ارحمينا ،  مش بكل دول العالم في شواطئ فايعة خيتو

يجدر الذكر انو من ايام مش عارف اتخلص من اثار زكي ناصيف

هذا المنشور نشر في حكي. حفظ الرابط الثابت.

4 Responses to احاديث موسيقية، وشوي عن شاكيرا

  1. متشائل كتب:

    ماله ظافر يوسف في عندك آيه من البوم قديم و ملحمة ابو نواس مش بطالة
    عقولة واحد ، لما اسمع صوته بحس انه في الة موسيقية جديدة فاتت عالساحة

  2. Osama كتب:

    حكينا عن اية عمو ، شكلك ما قريت كل شي ، البس نظارة :p
    اما بالنسبة لابو النواس فهو عبارة عن عملية “اههه” “ااااااه” “اييييي” وما الى ذلك

    قلتلي الة موسيقية ؟ دخلك بوق ولا ربابة؟

  3. محمد كتب:

    فرقة ابن عربي متعة و تجربة سماعية لا تعوّض

    طبعا الموسيقى حلوة بس بيعجبني أكتر صوت المغني بالفرقة, اللي بحسه قريب كتير لصوت وائل جسار .. هذا تشجيع إضافي لكل من يحب صوت وائل لسماع أغاني هذه الفرقة, و أسهل طريقة هي عبر البحث في موقع يوتيوب

    • Osama كتب:

      بدك الصحيح
      بالنسبة لقرب الصوت لوائل جسار هاي ما لاحظتها

      لكن فعلا فرقة ابن عربي من الروائع

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s