خطبة مفيش*

القصة وما فيها كالتالي
انو هالدنيا ماكينة خرافية ، اشبه بماكينة الفلافل ، بس مش عم تمشي
يعني شقفة هالفلافلة مش راضية تنزل ، هو انو المشكلة بالماكينة نفسها ولا بخلطة الفلافل
الله اعلم 

بس مع هيك بتضلك تستنى بحبة هالفلافل لترتمي بهالصاج ، وعلى سيرة الفلافل فالفلافل مفيد في اكثر من حالة صحيح انو بعمل غازات لكن هالغازات تحديدا مفيدة ، مفيدة لانو وحدها اللي بتطرد اخوك اخر السهرة من غرفتك حتى تعرف تحكيلك تلفون ابو ساعتين ما غيرو

اما اذا كان لبط ، فالعوض بسلامتك (طارت المزة)

الحالة الاخرى انو ما يكون في مزة وعادة هيك حالات بتترافق مع موجة طفر-اسألني انا-ولهيك الفلافل برضو مفيد -ما في داعي للشرح –

المهم ،
فانو هالماكينة مش عم تمشي ، مع انو التعن سنسفيل البوت واحنا عم ندفش
ولسا “مش عم تمشي”…

Advertisements