معرض عمان للكتاب

بالرغم انو مش جاي عبالي احكي بالموضوع ، لكن لقيت حالي زهقان وجاي عبالي احكي للناس شو الكتب اللي اشتريتها ، من باب بلكي واحد يجي عبالو يبدلني بشي ، من باب مش عارف شو يعني

قمت بزيارتين للمعرض ، في اليوم الثاني وفي اليوم الخامس

قبل الحديث عن المعرض نفسه ، اود ان اشير الى انو استضافة رجال دين في معرض ثقافي يجب الاهتمام بالمواضيع الثقافية فيه والاهتمام بالمثقفين المحليين والعرب وحتى العالميين هو ولدنة ووساخةوممكن يوصل لدرجة الطعرسة

المعرض هالمرة قريب (نسبيا) ، فهو في ملعب كلية الرياضة للجامعة الاردنية ، اللي هو طبعا مش بالجامعة الاردنية بل في مدينة الحسين للشباب ، اللي هو بطبيعة الحال مكان معروف لكن تبعا لوجود عدد لا متناهي من البوابات والمداخل لهذا الصرح الرياضي العظيم سيتوجب عليك السؤال كل 5 امتار او انك تجرب حظك كل مرة وتدخل البوابة اللي بطبيعة الحال رح تكتشف انها خطأ ويطلعلك الغول (مثل مسابقة برنامج الحصن في اختيار الابواب) سبب هالحكي هو انو في الشارع الذي يحتوي البوابة المؤدية الى الملعب المقصود ليس هناك اي اشارة او دلالة في حال يجب الاستمرار بالمشي ام انو لف وروّح اريحلك .

فرضا انك كنت مثابر وحاط الموضوع براسك وبدك تدخل للمعرض يعني بدك تدخل (مثلي) واخيرا وجدته ، فعليك ان تجهز نفسك لصدمة هائلة ، فالكم الهائل من عدم التنظيم يهجم عليك ويصفعك حتى تتورم خدودك ، انا لا ابالغ يا صديقي ، صدقني ، فليس هناك في المعرض اي حس من التنظيم ، الا اذا اعتبرنا انو وضع مكان مخصص لكل دار نشر هو اخر ما توصلت اليه البشرية في التنظيم .

دعا من ذلك ولاحدثك قليلا عن نهفات دور النشر التي لا تنتهي ، فمثلا صاحب مكتبة الاهلية وكعادته كتاجر ورق يقوم باستغلال هذا الموسم كيفما اتفق له  بطبيعة الحال انت لن تحدثه عن قيمة الخصم المفروضة فهو لا يعترف بها -كونه ابن البلد يعني – ، اما دار الاداب فكالعادة الستات اللي فيهم نهفات ، تشعر واكنهم نازلين بالباراشوت على المعرض وانت تعرف اكثر منها ناهيك عن عدم توفر نسخ كافية من اي شيء ، وبامكانك ان تعيد السيناريو بالنسبة لعد كبير من دور النشر ، فهم يا اما تائهون لا يعرفون كتبهم ،يا اما تائهون في هذا الكم الهائل من الناس ومش عارفين شو يبيعو ولا مين ولا بكم ، او لا يملكون ادنى حس من التنظيم تجاه زاويتهم …

وفي نفس سياق التنظيم تجدر الاشارة الى انو تغيرر موعد محاضرة يوسف زيدان فجأة ومن دون اخبار احد الا عن طريق صفحة يوسف زيدان ومن ثم  تأجيلها الى ربما الخميس او ربما الجمعة ، ربما الساعة 5:30 او 7:00 ومن ثم تبدأ المحاضرة في ال6:30 ، ذلك مثال على حس التنظيم العالي وددت ان اشير اليه كمثال واقعي لاجلك عزيزي القارئ (عيش)

المهم اشتريت كم كتاب حلوين بعضهم ما كنت الاقيه بالبلد قبل هيك اللي همة

لفرويد : قلق في الحضارة ، موسى والتوحيد ، افكار لازمنة الحرب والموت

لادوارد سعيد -مفارقات ومناظرات ، الاستشراق
لغسان -فارس فارس
اشعار الحلاج والطواسين
مجموعة شعرية -لبابلو نيرودا
الباب المفتوح -عبدالرحمن منيف
حكمة الغرب (جزئين ) – برتراند رسل
في الشعر الجاهلي – طه حسين
المداعبة – برونو بونتميلي

وفش صور طبعا فوتو ع البيج مشان الصور

Advertisements
هذا المنشور نشر في حكي, شي صار. حفظ الرابط الثابت.

3 Responses to معرض عمان للكتاب

  1. ميرو كتب:

    السلام عليكم اسامه
    انا كنت كنيييييييييير حابه ازور المعرض بس للاسف ماصار مجال وتتهنة بالكتب اللي اشتريتهم
    وهلا سمعت عن معرض تاني حاسه انو راح اقدر اتواجد في
    حبيت اخبرك لو ماعندك فكره عنو

    وهي اسمو عالفيس بوك
    https://www.facebook.com/noonbookfair?ref=stream

  2. Lana كتب:

    Pablo Neruda

    🙂

    I really Love this man !
    he is just one of fav.

    read these poems :

    I do not love you
    Tonight I Can Write
    I crave your mouth
    Don’t go far off
    >>>

    I love Him till the death ❤

    P.S : " Emiliana Torrini " I've bought all of her albums
    she is really good

    humm try this for herl

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s